mercredi 11 avril 2012

كيك على شكل مريندينا

المقاديرد الكيك:5بيضات+60غ سنيدة+2فاني+م ص خميرة د الحلوى+150غ دقيق
كريمة د الحشوة:200غ شكلاط مخلط ابيض واسود+يوغورت مسوس في200غ(الا كانت قشدة طرية سائلة احسن غير معنديش وعوضتها باليوغورت بالحق حتى هو جا زوين)
السيرو:نصف كاس سكر+نصف كاس ماء +قطرات حامض


كنطربو البيض والسكر و الفاني حتى يبياض الخليط


وكنضيفو الدقيق و الخميرة ونخلطو بمهل حتى يتجانس



ونسرحوه فلاطة د الفران مفرشة بالسولفريزي

فاش كيطيب كنقطعو الجوانب ونقسموه على 2 مربعات فنفس القياس

نرجعو نديرو اليوغورت و الشكلاط فوق البوطة حتى يتجانسو


ونصبوها في اناء ونخليوها حتى تبرد وتعقد


نغليو الماء و السكر و الحامض حتى يولي سيرو ونسقيو بيه الكيك



وندهنو الطرف الاول بالكريما د الشكلاط من بعد ما بردات

ونغطيو بالطرف الاخر ونقطعوه حصص
وندوبو مرة اخرى شكلاط ابيض واسود ونغلفوهم بيه

وهذا الشكل النهائي زينتو بخطوط د الشكلاط الابيض



وهاهي من الداخل









الرخامة بهنريس و شوكولاطة

المقادير لصنيتين

20باكيد هنريس الكبيرة
...
باكيت شوكولا اسود
نصف باكيت شوكولا ابيض
زلافة القهوة



اولا نجهز الصينية


نغطي قطعت الهنريس في القهوة و تصف في الصينية
نذوب الشوكولا


هنا البيسكوي في الصينبة


نصب طبيقة من الشوكولا الاسود


بعدها نصف طبقة من اببيسكوي المقطس في القهوة
وملاحظة نعمل 3 طبقات من البيسكوي بنفس الطريقة


و هنا غطينا اخرة طبقة بالشكولا
بعدها تزين بالشوكولا البيضاء على شكل خطوط و تشبك ببعدها
تدخل للمجمد حتى الشوكولا تجمد تم تقطع





منقووووول شكرا للاخت التي تعبت في اعداده




لغريبة المنمرة


لغريبة المنمرة"
...

رابعة الزبدة اللدة
و2كيسان سكر كلاصي
و2كيسان العنبة زيت
... و1خمارة الحلوى و1فاني
و3زلايف دقيق
وكاوبيل لتزيين
ـــــالطريقة نمعكو الزبدة مزيان مع السكر كلاصي تم نضيف الزيت وفاني شوية ملح دائما والطحين والخميرة حتي تجمع العجين تكون مرخوفة نقسم العجين علي نصفين نصف ندير فيه الكاوبيل حتي اتبدل اللون نبدا نصايب كويرات صغار بزاف ناخد كل لون منو 3 ونكور علي شكل غريبة ونستفها في اللاطة وندخلها الفرن

رغايف ملفوفة





المقاديـــــــر:
مقادير العجين:
  • 2 مكيال من الدقيق الأبيض (1 مكيال =180غ)
  • 1/2 مكيال من الدقيق الناعم المسمد (الفينو أو سبيسيال حسب ما يسميه كل واحد )
  • 4 ملاعق كبيرة زيت أو زبدة مذابه
  • رأس ملعقة صغيرة خميرة خبز 
  • ملعقة كبيرة خميرة كيماوية (بيكنج باودر)
  • ملح /ملعقة كبيرة سكر 
الحشوة:
في الحقيقة يمكنكم تحضير هاته الرغايف بأي حشوة متوفرة لديكم ...و لكن زيادة في الفائدة سأعطيكم مقادير و طريقة الحشوة التي استخدمت ..
في مقلاة نحمر بصلة كبيرة مقطعه في 3 ملاعق كبيرة زيت ثم نضيف 250 غ لحم مفروم و شرائح زيتون أخضر و قليل من الفطر المفروم ناعم و نقلب العناصر جيدا حتى يتفتت اللحم المفروم جيدا نرش 3 ملاعق كبيرة بقدونس مفروم و الملح و رشة فلفل اسود و قليل من الزنجبيل و القرفة نحرك جيدا حتى تتبخر كل السوائل ثم نرفع المقلاة عن النار و نضيف للخليط كيس صغير من الشعرية الصينية  والتي تم تليينها في ماء مغلي و مقطرة من الماء جيدا و تقطع بالمقص إلى قطع متوسطة حتى يسهل مزجها مع باقي العناصر
في الغالب أقوم بتحضير الحشوة قبل بيوم و احتفظ بها في الثلاجة حتى تكون في اليوم التالي جاهزة ...

التحضيــــــــر:

نضع مقادير العجين في وعاء العجانه و نضيف كمية مناسبة من الماء الدافىء ثم نشغلها في البداية على سرعه منخفضة حتى تتمازج كل العناصر و بعد ذلك نرفع السرعة إلى المتوسطة تعجن مدة 5 د و ممكن أكثر بقليل ..حتى نحصل على عجينة ملساء 
نقطعها إلى أربع قطع نشكل منها كرات متوسطة
نمدد الكرة الأولى جيدا على سطح مرشوش بالدقيق و نحاول جهد المستطاع إعطاءها شكل مربع و حين تصل إلى أرفع سمك (كما تلاحظون في الصورة ) نقسمها إلى مستطيلين متساويين 
نأخذ المستطيل الأول و نمسح عنه بواسطة فرشاة فائض الدقيق
و نضعه في صينية مدهونة جيدا بالزيت و نسطحه قليلا باليد مع رشه بالزيت 
 نضع الحشوة على طول طرف المستطيل و نلف حولها العجينة مع شدها قليلا باليد حتى نحصل على لفافة طويلة (رول) ثم نكمل تحضير المستطيل المتبقي بنفس الطريقة و كذا نفس الشء مع باقي الكرات أؤكد مرة أخرى: الحشوة يجب ان تحضر قبل بمدة معقوله حتى تبرد جيدا و لا تتسبب (حرارتها) في إحداث تمزقات و ثقوب في العجين أثناء التحضير
ترص اللفائف في صينية (نرفع كل رول و نضعه في الصينية و نمدده قليلا نحو الأطراف )
ندهنها بصفار البيض المخفوق+قليل من الخل و نرش بحبة البركة أو السمسم أو هما معا ثم نخبزها في فرن ساخن حتى يتحمر الوجه



نترك الرولات تبرد قليلا ثم نقطعها إلى قطع بطول 4 سم و تقدم دافئة 

في أمان الله


مخيمرات عامرين بالبطاطا و الفرماج

نحضر الحشوه :
البطاطا مسلوقه و مطحونه /بصله متوسطه مشلظه و مشحرة فشويه دالزيت
4 فرماجات مثلثه /الربيع مقطع /و التوابل : ملح ابزار سكنجبير و معلقه كبيره تحميره / الهريسه

نوجدو العجين و يتكون من :
...
2 زلايف سبيسيال/ زلافه دقيق فورص / معلقه صغيره خميرة دالعجين
2 معالق كبار زبده دايبه او زيت / 2 معالق كبار سكر / الملح
كنعجنو عادي و ندلكوها مزيان



و نقطعو كويرات مباشرة من بعد العجن و نغطيوها ترتاح شويه


كنطلقو كرة العجين على سطح غير مدهون و نحطو وسطها مقدار من الحشوة
(مخصناش نستعملو اي ماده دهنيه باش تجمع الكرات مزيان


و نبداو نجمعو كيما فالصورة

حتى تجمع كلها و نقرصو براس الصبعان باش تسد مزيان
الى جمعتوها كيما شرحت غادي يجيكم الوجوه بزوج فحال فحال يعني متبانش مرقعه


منين نكملو نغطيوهم واحد الشويه تقريبا شي 10 دقايق

عاد نطرقوهم بالزيت
و فأثناء ما كنطيبوهم نبقاو نرشو قطيرات دالزيت

هذا شكلهم النهائي






mardi 10 avril 2012

كرواصون بشكل مختلف

نفس عجينة الكروصى
كنوجدو لاكريم باتيسيير

المقادير
...

نصف ليتر حليب

3 معالق ديال بودر اكريم

4 ديال البيضات

100 غرام سنيدة كنخلطوه مع الحليب

100 غرام سنيدة كنخلطوها مع البيض و البودر اكريم

كنديرو الحليب مع 100 غرام ديال السكر و نخليوه يغلى

كنديرو البيض فاناء و نزيدو عليه 100 غرام ديال السكر و البودر اكريم

ملي يغلى الحليب كناخدو منو مقدار كاس و نزيدوه على خليط البيض و السكر و البودر و نخلطوه مزيان ثم نضيفوه على باقي الحليب و نديروه فوق العافية و نبقاو نحركوه حتى يعقد ثم نحيدوه و نزيدو عليه معلقة كبيرة ديال الزبدة و نخلطوه مزيان و نخليوه يبرد
نرجعو للعجينة كنطلقوها بحال الصورة
ندهنو الجناب بالبيض
ثم طريفات صغار ديال الشكلاط
و نخليوها تخمر ثم ندخلوها للفران

ملي تطيب كنخرجوها و نخليوها تبرد ثم نقطعوها مستطيلات و بالصحة و الراحة