dimanche 9 janvier 2011


مقادير الكيكة

ثلاث بيضات
ثلاث خمارات الحلوى
زوج فاني
كاس الزيت +تنستعملوا نفس الكاس في العبار+
كاس و نصف سنيدة
كاس الماء
زوج كيسان دقيق
باكية كاوبيل انا عندي نيسكويك ستعملتوا بلاصت كاوبيل و طبعا قبصة ملح


السيرو

ربع كاس سنيدة مع نصف كاس ماء

التزين

شكلاط و دانون مسوس و ممكن تزينيها بكركاع و لا قشو الليمون معسلة انا ما زينتهاش


الطريقة

تنخلط في مولين
البيض سنيدة الزيت الماء الملح لافاني و كاوبيل و الخمارت ثم نحيد الخليط نديروا في اناء و نضيف عليه زوج كيسان الدقيق و نخلط مزيان ثم ناخد مول و ندهنوا مزيان و ندرد عليه الدقيق و نحط الخليط ثم نسخن الفران و ندخلها و نخليها طيب

الخليط تيخرج بحال لي في الصورةمنين نحسوا بها قربات طيب و بدات تتخرج الريحة من الفران نبداو نحضروا السيرو

تنديروا السكر و الماء كيف قلت ربع كاس سكر و مصف كاس ماء ممكن تنسميه بالفاني و لا عصير الليمون نديروه فوق البوضة يغلي و يذوب السكر و نضفي عليه نخليه يبرد
ميني طيب الكيكة راه ما تتكونش طالعة بزاف نخليوها شوية تبرد ماشي بزاف و نحيدها من المول

0 commentaires: