mercredi 18 avril 2012

طريقة ساهلة لتحضير شنيك

مقادير
نص كيلوفرينة (فورص )من نوع ممتاز
2معالق زيت
2معالق سكر سنيدة
2معالق حليب بدرة
معلقة خميرة معجونة
كيس فاني
كيس خميرة حلويات
بيضة
وماء دافئ للعجين
لنزين بيضة مخفوقة+كيس فاني
250 غرام زبدة لتورق
طريقة
كنجمعو جميع مكونات بالماء دافئ ونحرصو ما تكونش لا رطبة ولا قصة
كندلكها 3او2دقائق فقط
كنعملها في اناء ونغطها ببلاستيكة
ونخلوها تخمر
كنخدو الزبدة ونعملها في بلاستيكة
كنطلقها بالمدلك حتى كيصبح سٌمك ديالها لا يتعدى 3و2سنيم
كفتحو بلاستيكة
ونزلها مباشرة فوق العجين اللى طلقنا
زبدة خصها تكون غير في 3/4
كنطوو الحصة اللى ما فهش الزبدة هي الاولة ومن بعدها الاخرة اللى فيها زبدة بحيت غادي يصبح عندنا عجين مطوي على 3
كنطقو العجين في تجاه وحد وهدا ضروري وما تخفوش راه زبدة ما غديش تخرج ليكم
ونطووها على 4
وكنطلقوها مرة اخرة وكنطووها على 3
كنعملها في بلاستيكة وندخلها لتلاجة لمدة نص ساعة ومن بعد نحضرو بيها
كرواصون بتي بان او شنيك لكم اختيار
وعند استعمال ما نطلقوش العجين بزاف ضروري تبقا غليضة شوية
للكرواصون
نقطعو عجين ونقطعها على شكل مستطيل صغيرونلفها لافة وحدة على نفسها كما هو واضح
واللى بغتو الشنيك كنطلقو العجين وندهنوها باش ما بغينا
انا ستعملت هنا
كريم باتسير +شكلاط
وكاستعمال اخر
ممكن تعملو مربي +زبيب او عقدة اللوز
وكيجي غزال
انا شخصيا كنفضل اختيار الاول كيجي هائل
ونلف العجين فحال هاكا
وندخلها للمجمد حتى تقصح ونقطعها كما في صورة ونعملو الكل فى لاطة الفرن وندهنهم بالبيضة مخفوقة+فاني ونخلوها حتى تخمر
ومن بعد ما تخمر كندهنوها مرة اخرى ونرشها باش ما بغينا كتزين وندخلها طيب في فرن مسخن من قبل
بالصحة وراحة


كيك بالشكلاط و الليمون

المقادير:(المهم انا العبار ديالي بالمعلقة)
3بيضات
7م ك سكر
9م ك زيت
9م ك ليمون
قشرة ليمونة محكوكة
3 م ك حليب غبرة
2 خمارات حمرين
1 فاني
3او4 شكلاط اسود محكوك
8م ك طحين

كنخدو 2 بياض البيض نخليوهم على جنب
ونرجعو للباقي د البيض و الفاني ونطلعوه حتى يبياض الخليط

ونضيفو باقي العناصر ونحكو الشكللاط
ونرجعو لبياض البيض نطلعوه مع قبصة د الملح كالثلج

ونضيفو بياض البيض على الخليط بالمهل من الاعلى للاسفل

ونصبوها فمول او فراح تقيل وندخلوها للفرن

وفاش طابت وبردات زينتها بالشكلاط ابيض و اسود واللوز
وكل وحدة تزين بذوقوها


طورطة مزينة بالفريز

مقادير الجينواز

4 بيضات

80 دقيق

20 نشا

20 كاكاو

معلقة صغيرة خميرة
مقادير كريم باتسري

نصف لتر حليب

3 أصفر البيض

3 معالق كبارسكر

3 معالق كبار دقيق

فاني
مقادير كولي الفريز

250 فريز

كأس صغير سكر

شوية الماء

2 أوراق جيلاتين

لتزيين

قشدة طرية مضربة مع السكر

فريز

ضربت البيض والسكر بالضراب مزيان
خلطت الدقيق و النشا والكاكاو و الخميرة و غربلتهم
ضفتهم على البيض و خلطتهم بمعلقة
فرغت العجين في مول و دخلتو للفران يطيب
بعد ما طاب الجينواز
قطعت على 3 وضعت الأول في الطبق
سقيتو بالسيرو ثم طبقة من الكريم باتسري
نفس الطريقة لطبقة الثانية و غطيت بالقطعة الثالثة
غطيت الكيك كامل بالقشدة الطرية
خذيت مقادير الكولي أو الصلصة
عملت الفريز و السكر في الخلاط مع اضافة القليل من الماء باش يتطحن
وضعتو على نارمهيلة 15 دقيقة نقصت منو شوية لتزيين

ثم أضفت له الجيلاتين مرطبة من قبل في الماء ويتحرك مزيان حتى يندمج
رجعت الاطار للكيك بعد ما غلفتو ببلاستيك وفرغت عليه الصلصة تكون بردات شوية
دخلت الطورطة لثلاجة حتى بردات مزيان وزينتها بوردات بالقشدة الطرية
قطعت الفريز شرائح على الطول ثم قطعتهم بقطاعة على شكل نجمة
خذيت فريزة قطعتعا شرائح بلا مانوصل لرأس وفتحتهم شوية
زينت الجوانب بالقشدة
وضعت النجمات من الفوق و الفريزة في الوسط
قطعتها وقدمتها مع الصلصة لي أحتفظت بها بلا جيلاتين


طرطة الحامض والمورانك

بالنسبة العجينة :
150غ زبدة لينة
5ملاعق كبيرة سنيدة
2أصفر البيض ونحتفظ بالأبيض
300غ فورص
قبصة ملح
(كف ماء إذا احتجناها)
نخلط الزبدة مع سنيدة مزيان نضيف ليها أصفر البيض وقشرة الحامض ونخلط وفي الاخير الفورص دفعة واحدة وقبصة ملح نخلط الكل جيدا اذا صارت العجين متماسكة جدا أي قاصحة نضيف كف الماء ونعجن وندخلها الثلاجة ريثما نحضر الحشوة
الحشوة :
100غ عصير الحامض
200غ سكر كلاصي
125غ زبدة
4 بيضات
قشرة حامضة محكوكة
في كسرونة نضع جميع المقادير ونخلطها وتوضع على نار هادئة حتى تعقد ونتركها تبرد
نخرج العجين من الثلاجة نبسطها في القالب الخاص بالطرطة نثقبها بشوكة وندخلها الفرن
حتى تنضج نصف نضجة في هذه الأثناء نحضر المورانك
يمكن استخدام العجين المتبقي في طرطات صغيرة تدخل الفرن حتى تتحمر وتبرد وتوضع في المجمد لحين استعمالها
المورانك :
2 أبيض البيض المحتفظ به
كاس سنيدة
قشرة حامضة محكوكة
نضع أبيض البيض في الطراب الكهربائي نبدأ بالتطراب ونضيف سنيدة شيئا فشيئا بدون ايقاف الطراب
حتى نحصل على خليط كثيف وأبيض اللون نضيف قشرة لحامض ونخلط قليلا يوضع الخليط في الجيب الحلواني
ويزين به وجه الطرطة بعد وضع خليط الحامض
عندك الاختيار اما تخليها فالشكل الاول أو تشكليها حسب الرغبة بالشوكة
ندخلها الفرن مهيل حتى نكمل طياب العجين ويتحمر المورانك كيجي مقرمش

كيك بالبرتقال والفواكه المعسلة

المقادير :
300 غ دقيق

100غ مسحوق السكر سنيدة

2 أكياس خميرة الحلوة

كيس فانيلا

قبصة ملح

قشرة برتقالة كبيرة

2 بيضات مطربة

200 مل عصير برتقال = كأسا شاي عصير برتقال

80 غ زبدة مذابة

فواكه معسلة
مقادير السيرو :
كأس عصير برتقال

ملعقة مربى المشمش

ملعقة سنيدة
الطريقة :

1- في إناء نخلط الدقيق الخميرة السكر الملح الفاني وقشرة

البرتقالة المحكوكة بالنسبة للقشرة أنا أغسل البرتقالة

ولا أجففها وأحك قشرتها لكي تطلق النكهة أكثر مع الماء .

2- نجوف الخليط ونضيف عصير البرتقال البيض الزبدة

ونخلط بملعقة خشبية وهذا شكل العجين بعد الخلط :

3- نضيف الفواكه المعسلة :

4- نصب الخليط في قالب مستطيل الشكل مدهون

بالزيت ومرشوش بالدقيق وتدخل الفرن :

5- في هذه الاثناء نحضر السيرو وذلك بوضع مقاديرها في كسرولة

وبمجرد ان يغلي نطفي النار ثم نضعه في الثلاجة ليبرد :
عندما تخرج الكيكة نسقيها بالسيرو

حلوة صابلي بالجلجلان

المقادير
250 غ زبدة طرية
125غ سكر قلاصي
160 غ مايزينة
100غ جلجلان محمص
فرينة حسب الحاجة
2 صفار بيض
1 مغرف صغيرة فانيليا
1 مغرف صغيرة خميرة الحلوى
حلويات جزائرية جديدة الروعة

كيفية التحضير
نقوم بخلط السكر والزبدة بالخلاط الكهربائي حتى نتحصل على كريمة ثم نضيف
صفار البيض مع الاستمرار في الخلط لمدة دقيقة ثم نضيف الجلجلان والفاني
والمايزينة والخمارة عند ادخال المقادير في بعضها نضيف الفرينة لنتحصل على
عجينة طرية نقوم بحلها بالحلال سمك 1سم ونقطعها دوائر بواسطة كاس وندخلها
الفرن وعند اخراجها نلصق بالمعجون ونزينها في الحواف بالكوكاو مرحي
خشين ومن فوق نزينها بالشيكولا بيضاء وسوداء


صابلي باشكال رائعة

مقادير صابلي باشكال رائعة
ثلاث قطع من الفرماج المثلث
ثلاث بيضات
كاس زيت
كاس سكر سنيدة
ملعقة كبيرة ن قشرة البرتقال محكوكة
نصف كيس خميرة الحلوى
رشة ملح
الدقيق 500 غ

للتزيين : التزيين يبقى حسب الرغبة الشكلاط الاسود; الشكلاط الابيض; سكر الصقيل; كوك; رقائق اللوز; فريز; مربى حب الملوك; كاكاو

طريقة تحضير صابلي باشكال رائعة

نخلط البيض و السكر جيدا ثم نضيف الفرماج الزيت سنيدة قشرة البرتقال و اخيرا الدقيق و الخميرة نعجن الكل جيدا للحصول على عجينة لينة و متجانسة

تبسط العجين بالمدلك وتقطع على شكل دائري و على شكل دملج
دخل الحلوة للفرن
نلصق الدائرة بالدملج بالناباج او الكوفتيرو تزين حسب الرغبة
ندهن جوانب الحلوة بالناباج و مررها في الكوك
نزين وسطها بمربى حب الملوك
و تزين باللوز مهرمش
او كريم باتسيير و الفريز او الشكلاط الابيض و الفريز او الناباج و رقائق اللوز







حلوة طونكو


"المقادير"

250غ زبدة
بيضة
كاس صغير زيت
كاس ونصف سنيدة
3 معالق قهوة سريعة دوبان مدوبة فشوية ماء
فاني
2 خمارت الحلوة
الطحين حسب الخليط

"الطريقة"

نخلطو كولشي ونزيدو دقيق حتى تجمع العجينة ونقسموها على 2
قسم اكون اللون بني بارد
و قسم نزيدو عليه 2 معالق بدرة كاكاو و 2 معالق سكر كلاصي نسرحوها بلمدلك ونتقبوها بمشطة جديدة ونرشموها بكاس وندخلوها طيب فاش طيب نلصقوها بمورانك

"المورانك"
لي فيه بياض بيضة و 200 غرام سكر كلاصي و معلقة صغيرة حامض
نطربو كولشي حتى نحصلو على مورانك ونلصقو بيه الحلوة و بالصحة و الراحة .
بالنسبة للبسكوي القهوي أنا زوقتو بالدلاك المشرط.

 



حلوة الدودة بالتمر

العجين
كاس زيت
نصف كاس زبدة مدوبة
ملعقة صغيرة خميرة الخبز
كاس ماء دافي هو لي غاندوبو فيه الخميرة
ملعقة صغيرة السكر
الدقيق حسب الخليط
الحشوة
عجينة التمر
قرفة
ملعقة صغيرة زبدة مدوبة
شوية الزنجلان محمر
الطريقة
نخلطو مقادير العجينة وتدلك جيدا
نعملو الحشوة على شكل هلال
او ناخدو شوية العجين او نحربلوها تكون رقييييقة او ندوروها عليه باش تاخد الشكل ديال الدودة
ملاحظة-ماتحمرش بزاف فالفرن-