كيكة رائعة مذاق تشيز كيك

السلام عليكم ورحمة الله وبركاته



*المقادير*


-4 البيضات

-4 فرماجات كيري

-كاس سكر

-كاس زيت

-نص كاس حليب

-نص كاس كوك

-كاس دقيق

-1 خمارة حمرا

-1 فاني

-ملعقة صغيرة خل

*للتزيين*

-نص علبة حليب نستلي

-ملعقة كبيرة زبدة

-شوية الكوك محمر فالمقلة

*الطريقة*

كنطربو البيض مع السكر نضيفو الفرماج والزيت والحليب والخل والفاني

وأخيرا الدقيق والكوك والخمارة ، نخلطوا مزيان وتنحصلوا على عجينة سائلة



كناخذوا مول كندهنوه بالزبدة ونرشوه بالدقيق ونفرغوا فيه الخليط

وندخلوه الفران ، تكون العافية مهيلةط



مللي نخرجوها من الفران

كناخذوا مقلة ونذوبوا فيها الزبدة نزيدوا عليها حليب نيستلي

نحركوا حتى تغلى شوية ونفرغوها فوق الكيكة



كنزينوها بالكوك محمر


وكندخلوها الثلاجة حتى تبرد مزيان ، وهذا هو شكلها النهائي



بالصحة والراحة

اقرء المزيد

دواز أتـــــاي بالشكــلآط

أهــلآ آخــواتــي ،، جبت ليكم دوآز أتــاي اقتصـادي وسهل فالتحضير

- الشكل الاول : سيكارات باللوز

* المقادير *

500 غ زبدة

كاس سكر كلاصي

100 غ بودرة اللوز

نصف كاس حليب

الدقيق حسب الخليط

للتزيين : فيرميسيل ، شكلاط ابيض

* الطريقة *

تخلط جميع مقادير العجين حتى نحصل على عجين متجانس

نأخذ قطعة من العجين ، نسرحها بالدلاك ونقطعها على شكل مربعات

ناخذ مربع ندير وسطو شوية الفرميسيل

ونلويه على شكل سيكار

كنستفوهم فلاطة وندخلوهم الفران يطيبوا

مللي يبردوا نغطسوا الراس ديالهم فالشكلاط الابيض

- الشكل الثاني : غريبة بكاوكاو والشكلاط

* المقادير *

رابعة ديال كاوكاو محمر ومقشر ومطحون

250 غ زبدة

4 ملاعق كبار سنيدة

خمارة

الدقيق حسب الخليط

للتزيين : شكلاط اسود

* الطريقة *

كنخلطوا جميع مقادير العجين ، نشكلوها كويرات وندخلوها الفران تطيب

مللي تبرد نغطسوا الوجه ديالها فالشكلاط ونحطوها مقلوبة فوق الورق

أي الوجه لتحت ،، وهذا هو الشكل ديالها مللي جمد الشكلاط وقلبناها

وهذا الشكل النهائي للحليوات

بالصحة والراحة ^_^

اقرء المزيد

دواز أتـــــاي

أهــلا أخـوآتــي

جبت ليكم شكيلات دواز أتــاي سهلة فالتحضير واقتصادية ولذيذة فنفس الوقت

الفقـــاص بــدانون

* المقــاديــر *

دواز أتـــــاي

- 2 بيضات
- 2 كيسان صغار سنيدة
- 2 كيسان صغار زيت
- 1 دانون فــاني
- ملعقة صغيرة خميرة الحلوى
- دقيق حسب الخليط

* الطريقة *

كنطربوا البيض مع السكر ، كنضيفوا دانون + الزيت كنخلطوا مزيان

كنزيدوا الدقيق شوية بشوية حتى تجمع العجينة

دواز أتـــــاي

دواز أتـــــاي

كنحربلوها على شكل كوميرات ونذهنوها بصفر البيض ممزوج بنسكافي

ونشرطوها بالفورشيط

دواز أتـــــاي

كندخلوها الفران تطيب نص طياب

دواز أتـــــاي

مللي نخرجوها من الفران نخليوها حتى تبرد و نقطعوها ونرجعوها الفران تتحمر

دواز أتـــــاي

__________________________________________________ __________

وريدآت ببودرة اللوز

* المقادير *

- 250 غ زبدة لينة
- 200 غ سكر كلاصي
- 4 اصفر البيض
- 50 غ بودرة اللوز
- قبصة ملح
- 1 فاني
- ملعقة صغيرة خمارة الحلوى
- دقيق حسب الخليط
- الشكلاط للتزيين

* الطريقة *

كنحكوا الزبدة مع السكر ، كنزيدوا اصفر البيض + فاني + ملح + بودرة اللوز

دقيق + الخميرة ، نخلطوا مزيان حتى نحصلوا على عجينة متجانسة

كنحربلوها

دواز أتـــــاي

كنعطيوها شكل دائرة ونقشوها بالمنقاش

دواز أتـــــاي

كندخلوها الفران حتى تتحمر مللي تبرد نزينوها بخطوط عشوائية بالشكلاط

دواز أتـــــاي

بقى لينا ابيض البيض آش غادي نديروا بيه

أنـا خدمتوا مورانغ مع السكر كلاصي والكوك وزينتوا بالشكلاط الملون

دواز أتـــــاي

وهذا هو الشكل النهائي للشكيلات الثلاث

دواز أتـــــاي

دواز أتـــــاي

بالصحة والراحة

اقرء المزيد

حــلويـآت سـآبلي بكـآوكــآو وآلـمورنــغ

آهــلآ آخــوآتــي

جبت ليكم سآبلي سـآهل وآقتصــآدي وشكل جميل

مبـآشرة من مطبخي آليكم

* آلمقــآديــر *

- رابعة زبدة

- 150 غ سكر كلاصي

- 150 غ كــآوكــآو محمر ، مقشر ومطحون

- 2 صفار البيض

- الدقيق حسب الخليط

* الطريقة *

كنخدموآ آلزبدة مزيـآن مع السكر كنزيدوا صفار البيض ثم بودرة

الكاوكاو والدقيق

حتى نحصلوا على عجينة منسجمة

كنطلقوها بالدلاك ، ونقطعوها على الشكل اللي بغينا ونستفوها

فاللاطة

كنخدموا بيض البيض مع السكر حتى يصبح مورنغ ، نديروه فالجيب

الحلواني ( poche )

ونزينوا بيه الحلوة من الفوق ، وندخلوها الفران مللي تبرد نزوقوها

بخطوط الشكلاط

وبهاذ العجينة ممكن تعملي بزاف ديال الاشكال

الطريقة والشكل عندكم فالصور

بيسكوي اضافي للاطفال

هذا بيسكوي للاطفال لذيذ وسهل في التحضير

* المقادير *

- كاس عصير الليمون

- كاس زيت

- كاس سكر

- نص خمارة حمرا

- الدقيق حسب الخليط

* الطريقة *

كنجمعوا جميع العناصر حتى نحصلوا على عجينة متجانسة

نطلقوها بالدلاك ونثقبوها ونقطعوها كيف ما بغيتوا

نحطوا الوجه ديالها فالسنيدة او الكوك او نخليوه عادي ، ندخلوها الفران

مللي تطيب نزوقوها بالشكلاط

الطريقة والشكل فالصور

اقرء المزيد

كيكة بالشكلاط معمرة بالتمر والكركاع

آهــلا بــآلآنيــقــآت ،

جبت ليكم شهيوة لذيذة من مطبخي نتمنى تروقكم

* المقادير*

4 البيضات
كاس زيت
كاس كركاع مهرمش
كاس تمر مقطع صغير
كاس سكر
كاس دقيق
ملعقة صغيرة قرفة
شوية سكينجبير
ثلاثة ملاعق كبار ديال الكاكاو
واحد خمارة

* الطريقة *

كنطربوا البيض مع السكر ، كنضيفوا الزيت والتمر والكركاع والقرفة

وسكينجبير والكاكاو والدقيق واخيرا الخمارة

نخلطوا مزيان حتى نحصلوا على خليط متجانس

كندهنوا المول بالزبدة ونرشوه بالدقيق ونفرغوا فيه الخليط وندخلوه الفران

كنخرجوها من الفران ، نخليوها تبرد ، لكم الاختيار في التزيين

انا زينتها بصلصة الشكلاط ونيستلي مخلط مع الشكلاط الابيض

بالصحة والراحة

اقرء المزيد

تشيز كيك الرخــآمية

آهـــلآ آخــوآتـــي

جبت ليكم وآحد تشيز كيك آلى ذقتوها غادي تعجبكم بزاف

كننصحكم باش تجربوها وردوا عليا الخبار

* المقـآدير *

- القاعدة -

- بيسكوي مطحون

- زبدة ذايبة

- الحشو -

- علبة حليب نيستلي محلى

- 8 فرماجات مربعين

- 3 بيضات

- 2 معالق كبار دقيق

- قشور حامضة محكوكة والعصير ديالها

* الطريقة *

- القاعدة -

كنطحنوا بيسكوي حتى يولي بحال الدقيق ، كنخلطوه بالزبدة ذايبة

حتى نحصلوا على عجينة مرملة

كناخذوا مول كيتفتح من الجناب ، نذهنوه بالزيت ونسرحوا فيه العجينة

نضغطوا عليها مزيان

- الحشو-

كنديروا جميع العناصر فالكاس ديال الخلاط ، نطحنوا مزيان ، نحيدوا منو 2 معالق

كبار ونفرغوا الباقي فوق العجين

ناخذوا الخليط اللي حتفظنا بيه ، نزيدوا عليه ملعقة كبيرة كاكاو ونزينوا بيه من الفوق

ندخلوها الفران ، يكون شاعل غير من التحت والعافية مهيلة

مدة الطهي : 45 دقيقة

والصورة توضح الطريقة

اقرء المزيد

الغريبة المعلكة بكاوكاو بالصور

الغريبة المعلكة بكاوكاو

المقادير :

الغريبة المعلكة بكاوكاو

500غ كاوكاومطحون،
250غ سكر،2
بيضات،وأصفر بيضة،
ملعقة صغيرة كنفتير المشماش أنا انسيت مصورتوش ،
خمارة،وسكركلاصي للتفنيد

انخلطوالكل وندخلوها ترتاح في الثلاجة حتى تجمع وتقصاح شوية
ومن بعد نشكلومنها كويرات نفندوهم في سكر كلاصي
ونطيبوهم من 10حتى 15دقيقة وبالصحة والراحة

الغريبة المعلكة بكاوكاو

الغريبة المعلكة بكاوكاو

الغريبة المعلكة بكاوكاو

الغريبة المعلكة بكاوكاو

اقرء المزيد

كيكة بكريمة الحامض

مقادير العجينة

125غ زبدة
40غ سكر
150غ الطحين
2 ملعقة حساء قشرة الحامض

2 مقادير الكريم

35غ الطحين
125غ عصير الحامض(عصير الليمون)
3 بيضات
150غ سكر

3 لتزين

شكلاط قبيل لدوبان
سكر كلاصي (سكر بودر)

الطريقة

نخلط ااطحين مع السكر وقشرة الحامض والزبدة حتى نحصل عجينة متجنسة ولينةفي إناء الفرن ( مربع 24x24 ) مغطى بورق الخاص بالفرن نضع العجين ثم نبسطها كما هوا مبين في الصورة.

ثم نقوم بعمل ثقب بالفرشيط (الشوكة)على كل مساحة العجينة لكي لا تنتفخ أكثر من الازم
ثم ندخلها إلى الفرن درجة الحرارة 180 لمدة 15 دقيقة

2 الكريم

بالخلاط كهربائي نخلط البيض وسكر إلى أن يتضعف حجم الخليط

ثم نضيف الطحين

وفي الأخير نضيف عصير الحامض

الأن عندنا كل شي وجد الكيك و الكريم

الأن نضيف الكريم فوق الكيك مزال سخون ثم ندخله مرتا أخرى إلى الفرن لمدة 20 دقيقة

وبعد نخرجه من الفرن ونتركه يبرد جيدا ثم نقطعه إلى مربعات بوسطة السكين

وفي الأخير نقم بتزين
برش سكر بودره و الشكلاته

اقرء المزيد