lemon angel food cakeكيكة الليمون

الوصفة اصلا تسمى طعام الملائكة او

lemon angel food cake
ولكنى احترازا من استخدام لفظ لا يليق بوصف الملائكة
اسميتها فقط كيكة الليمون

و الكيكة تتمتع بقابلية عالية لإمتصاص السوائل مما يجعلها رائعة لإستخدام المتبقى منها فى عمل الترايفل


مقادير الكيكة


1كوب دقيق منخول
3/4 كوب سكر بودرة
14 بياض بيض فى درجة حرارة الغرفة
رشة ملح
3/4 كوب سكر
2 ظرف فانيليا
1 معلقة صغيرة زيت الليمون (وليس رائحة الليمون)

للجليز

1 كوب سكر بودرة
2 معلقة مائدة عصير ليمون
1 1/2 معلقة صغيرة بشر ليمون ناعم
رشة ملح


طريقة عمل الكيكة


سخنى الفرن و جهزى صينية كيك ذات حفرة بالمنتصف كما يبدو من شكل الكيكة

انخلى الدقيق مع السكر البودرة

فى بولة تانية اخفقى البيض كويس و لما يصبح ابيض و هش اضيفى رشة الملح

افضلى اخفقى كأنك بتعملى مارينج
و ابدأى ضيفى السكر العادى مع الخفق و لكن معلقة معلقة

و اضيفى الفانيليا و زيت اليمون مع الخفق لحين تكون قمم كأنها الجبال عند رفع المضرب

ابدأى باضافة الدقيق و السكر البودرة و لكن بطريقة الفولدينج و هو التقليب برفق بدون اخراج الهواء من المزيج

حتى يمتزج و بعدين صبى الخليط فى القالب

اخبزيها لمدة من 35 الى 40 دقيقة
اغاية ما تبقى ذهبى

اخرجيها و اقلبيها على طبق كبير و لكن لا تحاولى فصلها عن القالب و سيبيها ترتاح كده مقلوبة 15 دقيقة

ارجعى اقلبى الطبق بالقالب و مررى سكينة حوالين الجوانب
و ارجعى تانى اقلبى الكيكة بالراحة على الطبق

لا تحاولى اخراج الكيكة بعنف

اخلطى مكونات الجليز كويس و صبيه على الكيكة

و تستخدم سكينة مسسنة لتقطيعها