عجينة الكرواصون

اولا المقادير
1 كيلو ديال الطحين الممتاز
4 بيضات
150 غرام سنيدة
20 غرام ملحة او 1 معلقة صغيرة عامرة
... 50 غرام الخميرة
كاس الزيت
2 او 3 كيسان ديال الماء عادي
500 غرام الزبدة للتوراق



كنديرو حفرة فالطحين

و نزيدو السكر و البيض و الملحة و الزيت و الماء و نعجنو مزيان

ثم نزيدو الخميرة مع شوية ديال الماء و نعاودو نعجنوها مزيان ثم نغطيوها و نخليوها ترتاح مدة 10 دقائق
ملاحظة الخميرة كنخليوها هي الاخيرة باش تعطينا مفعول قوي و كتلعب دور فتقوية العجين

المرحلة ديال التوراق
1كناخدو العجينة و نضربوها فالوسط بالموس

و نديرو الزبدة فالوسط

نسدوها هنا ما تنساوش ترشو مكان العمل بالطحين

نسرحوها مزيان

و نطويوها على ثلاتة بحال الصورة ونخليوها ترتاح مدة 10 دقائق

كنسرحوها للمرة التانية مزيان و نعاودو نطويوها على تلاتة و نخليوها ترتاح 10 دقائق اخرى

كنسرحوها للمرة االتالتة مزيان

و نطويوها على تلاتة و نخليوها ترتاح 10 دقائق اخرى

كنسرحوها للمرة الاخيرة

و يكون السمك ديالها 1 او 2 سم بحال الصورة

مرحلة التقطاع
دابا كملنا التوراق و العجينة جاهزة باش نقطعوهل على الشكل للي بغينا و انا اليوم غادي نوريكم كيفاش تصاوبو البتي بان تابعوا معي
ملاحظة هامة قبل القطع
بالنسبة لكمية العجينة للي عندنا نقدرو نقطعوها كبيرة و نحصلو على 30 حبة او حجم متوسط و نحصلو على 45 حبة او حجم صغير و نحصلو على 60 حبة
كنقطعو العجينة على شكل مستطيلات بحال الصورة

نديرو الشكلاط

نطويوها طوية ونصف بحال الصورة

بالنسبة للفران كنسخنوه على درجة حرارة 250 يعني نخليوه يسخن مزيان ثم نقصو العافية من الفوق امن التحت و ندخلو البتي بان وما نحلوش عليها حتى تدوز 15 دقيقة الاولى و نردو البال الا شفناها كتحمر من الفوق بسرعو نقصو العافية من الفوق مزيان و نخليوها حتى تطيب و نخرجوها
ملاحظة اخيرة
وهنا عند الاختيار الا بغيتيها تجيك لامعة كتصاوبي السيرو قبل ما تبداي تطيبيها و تخليه يبرد مزيان و ترشي بيه البتي بان من الفوق كيف كتخرجيها من الفران اما الا ما بغيتيش كتخليها عادية
السيروكتصاوبيه ب100 غرام السكر و 2 كيسان ديال الماء كتديريهم فوق العافية حتى يغليو و كتخليه يبرد

منقوووووول

اتمنى الاستفادة للجميع